CERPEN MINANGKABAU

ANAK GADIH DI RANTAU

Pado zaman saisuak alun ado nan namo anak gadih pai marantau. Anak gadih biasonyo mauni rumah gadangnyo, indak ado nan namonyo pai-pai dari rumah gadang. Bak kato pepatah minang ” bundo kanduang di minang kabau, limpapeh rumah nan gadang, amban puro pagangan kunci, nan bak dama tapasang tinggi, taba rumpun tampak jauah, taba rambang tampak dakek, kasuri tauladan kain, kacupak tauladan batuang, pai tampek batanyo, pulang tampek babarito, litak tampek mintak nasi, auih tampek mintak aia, iduik tampek banasa, mati tampek baniaik, bakeh undang-undang kamadinah, ka payuang paji manuju sarugo, pusek jalo pumpunan ikan, masaklah buah kacang padi, dijua urang katangah pasa, padi nan masak batangkai-tangkai, bundo kanduang tauladan budi, paham nan usah amuah tajua, budi nan indak amuah tagadai. baitu pentingnyo kadudukan bundo kanduang dalam rumah gadangnyo, yaitu seseorang yang dijunjuang tinggi, urang nan disagani dalam rumah gadang.  Seharusnyo anak gadih mancaminkan prilaku bundo kanduang dalam minang kabau. Tapi Zaman kini anak gadih indak tau jo aturan-aturan urang tuo-tuo kini. Inyo kalamak ati  apo nan kadikarajoannyo, ndak paduli jo urang tuonyo. Dek alah kagadangan ati, dek karancaak,  Urang kampuang nan alah tau jo inyo dari k etek indak nio inyo manyapo lai.

Mela nan barumua 18 tahun, anak dari ena nan tungga babeleang tingga dikampuang, inyo baru tamaik SMK, dek urang tuonyo ndak ado piti untuk manguliahan inyo, jadi  si mela inyo nio pai karantau dek indak ado nan kadi karajoannyo dikampuang. Urang kampuang indak suko mancaliak gaya mela nan agak mantiak. Jadi inyo indak ado kawan di kampuangnyo. Malam harinyo, keluarga mela alah bakumpua kasadonyo saroman biaso untuk makan basamo-samo, ayah, amak, dan si mela, inyo batigo dalam kaluarga tu nyo. Alah salasai makan mela mangecek ka urang gaeknyo kalau inyo nio ka rantau.

”mak, mela nio pai marantau mak, indak tau apo nan mela karajoan disiko mak, bari izin mela untuk pai yo mak” (kato mela)

“mela anak den, alah kau pikia elok-elok nak? Amak jo ayah ciek mela nan kadiharokannyo. Amak indak punyo apo-apo selain mela surang, mela anak tungga babeleang amak, amak nio mela mamikian elok-elok untuk pai dari kampuang awak. Apo kecek urang kampuang beko kalau mela pai karantau, amak ndak nio kecek-kecek urang kampuang talampek beko nan indak-indak. Baa nan uda?” (jawek amak mela)

“aden iyo ndak satuju kalau mela tu pai marantau, aden ndak akan maagiah izin inyo pai. “ (kato ayah mela)

“amak jo ayah, mela nio pai mancari karajo ayah, mela nio marubah iduik awak, daripado mela indak ado karajo dikampuang ancak mela pai marantau karajo ayah.” (Jawek mela)

“nan pokoknyo, aden iyo ndak satuju kau pai marantau. Den ndak nio anak den satu-satunyo pai dari rumahnyo. Aden nio nan tabaiak untuak anak den.” (Kato ayah mela)

“ iyo mela, ancak kau pikia-pikian apo nan dikecekan nyo dek ayah kau mela. Jan salah langkah beko badan nan tasesonyo naaaak..” (jawek amak mela)

“mela pai marantau untuak karajonyo (mak, yah), apo nan amak pikian tentang mela kini ko ?” (kato mela)

“apo kau tau caro urang iduik dirantau?, amak takuik kok tajadi-jadi nan ndak elok beko. Amak tau mela tu nio pai karajo, tapi karajo apo nan ka mela cari di pek itu?” (jawek amak mela)

“apo nan ado karajo untuak urang tamaik SMK?” (kato ayah mela)

“ lai ado nyo ayah, kalau ado niaik tu pasti ado dapek karajo. Mela nio karajo manjadi kasir ayah, sasuai jo jurusan perbankan mela dulu yah” (jawek mela)

“bialah den pikia-pikian jo amak kau dulu” (kato ayah mela)

Mela baharok urang tuonyo mambari izin nyo untuk pai ke rantau, selain inyo ndak ado kawan dikampuang, inyo indak tau apo nan kadikarajoannyo. Mela mendesak amak jo ayahnyo untuk mambari izin. Amak jo ayah mela mangecek baduo mamikian mela pai marantau,

“da, kalau manuruik den ancak bari jo lah kesempatan untuak mancari karajo” (kato amak mela)

“ iyo, dek den pun lai tapikia nyo, tapi apo harus pai marantau? Awaklah tau baa kehidupan urang dirantau tu saroman apo, jadi den kini itu nan tapikianyo. Den harok mela tu dapek karajo lo mah. “ (jawek ayah mela)

“ ancak uda agiah mela tu kesempatan untuk pai karajo dlu, buliah lo inyo bisa mandiri lo da” (kato amak mela)

“ a yo lah...bisuak pagi wak ngecek jo mela bliak” (jawek ayah mela)

Ayah jo amak mela alah mamikian untuak mela pai marantau, jadi ayah jo amaknyo mambari izin untuak mela pai marantau. Bisuak paginyo ayah jo amak mela mamanggia mela mangecek masalah malam tadi

 “mela....?” (kato amak mela)

“ apo mak??”( jawek mela)

“kasikolah kau mela...”(kato ayah mela)

“apo yah...”(jawek mela)

“alah ayah piki-pikian nan tadi malam tu, apo iyo nan kapai jo kau marantau??” (kato ayah mela)

“iyo yah, tapi mela iyo harok restu ayah samo amak” (jawek mela)

“ayah pacayo ka mela kalau mela elok-elok di tanah rantau, ayah samo amak maizin mela untuak pai marantau mancari karajo.”(kato ayahnyo)

“iyo nak, amak maizinkan mela untuk pai mancari karajo. Tapi hati-hati anak den di pek itu yo..”(kato amaknyo)

“mokasih yo mak yah, mela janji elok-elok di pek itu”(jawek mela) dan mela mamaluak kaduo urang tuonyo.

Hati mela sanang mancaliak urang tuonyo maagiah izin untuak mela pai marantau. Malamnyo mela manyiapkan barang-barang nan kadibawok.

Paginyo mela alah kasiap-siap barangkek, ayah jo amaknyo malapeh mela untuk pai. Mela basalaman kapado kaduo urang tuonyo.

“amak, mela brangkek dulu yo mak”(kato mela) mela mamaluak amaknyo

“hati-hati bana yo nak,” (jawek amaknyo)

“ayah, mela pai lu yah”(kato mela) mela mencium tangan ayahnyo

“ hati-hati yo nak,”(kato ayahnyo)

Waktulah balalu mela alah tibo ditanah rantau, nyo batamu jo urang(perempuan barumua 35 tahun) dan mela maimbaunyo ante mela bantanyo tampek tingga kaurang tu. Mela pacayo ka urang nan ndak dikenalnyo. Ante-ante tau kalau mela urang baru dipek itu, jadi mela dibaoknyo karumahnyo dikecek annyo ado karajo untuak mela. Mela nio manarimo tawarannyo. Alah tibo dirumah ante tu mela disuruahnyo untuak istirahat. Melapun manuruik kaurang tu. Ante  maniaik jaek ka mela, inyo nio manjua mela ka laki-laki ndak tau asal usulnyo. Gaya mela nan agak mantiak mambuek urang tu samakin yakin kalau mela nio. Inyo ndak maagiah tau ka mela tapi inyo maagiah pitih banyak ka mela, mungkin mela maraso sanang diaagiah piti dek urang tu, ante-ante tu  ngecek inyo maagiah modal untuk mela. Jadi melamanarimo pitih nan diagiah urang tu.

                   Hari lah malam, ado urang datang manjampuik mela, ante-ante tu ngecek inyo nan kamaagiah mela karajo. Jadi mela nio pai jo urang nan manjampuik mela tu, inyo manjampuik pakai oto rancak. Akhianyo mela pai jo inyo. Kironyo mela dibawok nyo karumah inyo. Mela batanyo kaurang tu.

“ko kama awak ko da?”(kato mela)

“tapi awak pai katampek karajo”(jawek uda tu)

Mela hanyo antok dek uda tu mangecek model tu, mela mulai maraso curiga…dek uda2 tu elok bana ka mela,,,melapun samakin curiga. Tibo dirumahnyo dipegangnyo tangan mela, mela semakin ndak nyaman,

“ kok ndak ado tampek-tampek untuak karajo disiko da, tapi iko tampek karajo, ndak ado bagai komputer do”(kato mela) dan mela samakin curiga

Uda tu hanyo diam-diam, lalu mela memutuskan untuk pulang ka rumah ante-ante tadi, uda tu manahan mela supayo ndak pai, uda tu mangecek ka mela kalau mela alah dibalinyo samo ante-ante tadi, mela takajuik mandanga kecek uda tu. Jadi mela dipaksanyo untuak malayani inyo, mela bausao lari dari tampek itu. Akhirnyo mela bisa membebaskan dirinyo. Dan nio pulang kakampuang halamannyo. Disepanjang jalan mela managih....merintih....perasaan kecewa, perasaan sakit hati, perasaan iba kapada urangtuonyo. Sadonyo bakacamuak dalam pamikiran mela...mela memutuskan untuak pulang karumahnyo. Mela mancari oto untuak pulang.

Waktu lah lewat melapun lah sampai dihalaman rumahnyo, mancaliak amak jo ayah nyo mela maraso kasihan, mela manangih ndak baranti-ranti. Ado urang kampuang mela nan nampak dek nyo mela hanyo tagak di halaman. Urang maimbau mela dan mamanggian urang tuo mela. Akhianyo urang tuo mela kalua...mancaliak mela manangih taisak-isak ayah jo amak mela cameh.

“melaaaaa, dek apo anak den??? Ngecek lah” (kato amaknyo)

“mela apo nan tajadi disitu??”(kato ayahnyo)

“ayah amak, mela mintak maaf kalau mela ndak bisa mambuek bahagia amak jo ayah. Mela ampiang tajebak lai mak, ado urang nan nio manjua mela mak, alhamdulillah mela bisa lari mak.”(Jawek mela) dan mela taruih nangih taisak-isak.

“alhamdulillah naak. Apo ado nan sakik naak…” (kato amaknyo) amak mela manangih mancaliak anaknyo mandarita di rantau urang

“ naaak, “ (kato ayahnyo) ayah mela berusaha menenangkan mela yang terisak tangis

Akhirnyo mela sadar bahwa kehidupan dirantau indak elok untuak anak-anak gadih. mela hanyo bapasan jan cibo-cibo pai karantau kalau ndak ado sanak-sanak dirantau. .......

**THE END**